ТЭРГҮҮНИЙ ШҮҮХИЙН ШИЙДВЭР ГҮЙЦЭТГЭХ ГАЗРААР ШАЛГАРЛАА.

Шүүхийн шийдвэр гүйцэтгэх ерөнхий газар 2020 оны үйл ажиллагааны тайлангийн хурлаа 2020 оны 12 дугаар сарын 28-ны өдөр цахим хэлбэрээр зохион байгууллаа.
Цахим хуралд Шүүхийн шийдвэр гүйцэтгэх ерөнхий газрын дарга, хурандаа Д.Загджав болон ШШГЕГ-ын алба, газар, хэлтэс, харъяа анги, байгууллагуудын удирдлагууд оролцсон.

Захиргааны удирдлагын газрын дарга, хурандаа С.Батбямба 2020 онд дэвшүүлсэн зорилт, гүйцэтгэлийн төлөвлөгөөг амжилттай хэрэгжүүлж, тодорхой үр дүнд хүрснийг дурдаад,  зарим онцлох үйл ажиллагааны талаарх мэдээллийг танилцуулж, хуулиар хүлээсэн чиг үүргээ амжилттай биелүүлэн,  дэвшүүлсэн зорилт, гүйцэтгэлийн төлөвлөгөөг бүрэн биелүүлж ажилласан тэргүүний газар, хэлтэс, анги, байгууллагуудыг шалгаруулсан тушаалыг танилцуулав.

2020 оны үйл ажиллагааны үр дүнгээр  “Аймаг дахь Шүүхийн шийдвэр гүйцэтгэх газар” төрөлд Завхан аймаг дахь Шүүхийн шийдвэр гүйцэтгэх газар тэргүүн байранд шалгарсан амжилт үзүүллээ.

Тус газар нь 2017, 2018 онуудад мөн үйл ажиллагааны үр дүнгээр Шүүхийн шийдвэр гүйцэтгэх байгууллагын хэмжээнд тэргүүн байранд шалгарсан амжилт үзүүлж байсан юм.

Хурлын төгсгөлд ШШГЕГ-ын дарга, хурандаа Д.Загджав 2021 оныг “Шүүхийн шийдвэр гүйцэтгэх байгууллагын үйл ажиллагаанд технологийн дэвшлийг нэвтрүүлж, албаны бэлэн байдал, сахилга бат, ажлын хариуцлагыг дээшлүүлэх” жил болгон зарласантай холбогдуулан нийт бүрэлдэхүүнд үүрэг даалгавар өгч, 2020 онд ажлын гүйцэтгэл, үр дүнгээрээ шалгарсан газар, хэлтэс, анги, байгууллагуудын удирдлага, хамт олонд баяр хүргэж, цаашид энэхүү амжилтаа улам бататган, ирэх онд дэвшүүлсэн зорилтоо амжилттай хэрэгжүүлж ажиллахыг чиглэл болголоо.

 

Back to top button