“ХАРУУЛ ХАМГААЛАЛТЫН АЖИЛТАН” БЭЛТГЭХ СУРГАЛТЫН БҮРТГЭЛ ЯВАГДАЖ БАЙНА.

Шүүхийн шийдвэр гүйцэтгэх байгууллагын ахлагч бүрэлдэхүүний сул орон тоог нөхөх, нөөц бүрдүүлэх зорилгоор Дотоод хэргийн их сургуулийн Ахлагчийн сургуультай хамтран зохион байгуулдаг “Харуул хамгаалалтын ажилтан” бэлтгэх сургалтын бүртгэл явагдаж байна.

Сургалтын бүртгэл дараах байдлаар явагдана. Үүнд:

Нэгдүгээр үе шат:

Бүртгэлийг Завхан аймаг дахь Шүүхийн шийдвэр гүйцэтгэх газарт 2020 оны 08 дугаар сарын 28-ны өдрөөс 09 дүгээр сарын 07-ны өдрийг дуустал зохион байгуулж, шаардлага хангасан иргэдийн судалгааг гаргана.

Хоёрдугаар үе шат:

Судалгаанд хамрагдсан иргэдийг 2020 оны 09 дүгээр сарын 14-ны өдөр Шүүхийн шийдвэр гүйцэтгэх ерөнхий газрын Захиргааны удирдлагын газраас нэгдсэн бүртгэл хийж, ял шийтгэл эдэлж байсан эсэхийг шалгуулж, эрүүл мэндийн үзлэг шинжилгээнд хамруулан, тэнцсэн иргэдэд шалгалтад орох эрх олгоно.

Тавигдах шаардлага:

  • Шүүхийн шийдвэр гүйцэтгэх байгууллагад ажиллахыг сайн дураар хүссэн, 18 насанд хүрсэн Монгол Улсын иргэн;
  • Ял шийтгэл эдэлж байгаагүй;
  • Ахлагчийн бүрэлдэхүүнд эрэгтэй, 35 хүртэлх насны иргэн байх;
  • Бие бялдрын зөв хөгжилтэй, 170 см-ээс доошгүй өндөртэй,
  • Шивээсгүй байх;
  • Дээд боловсролтой. /Зайлшгүй шаардлагаар ажлын сул орон тоонд судлагдсан, бусад тавигдах шаардлага хангасан, бүрэн дунд боловсролтой иргэн байж болно. тусгай мэргэжилтэй бол давуу тал болно/
  • Зөвхөн эрэгтэй иргэдийг бүртгэнэ.

Бүрдүүлэх материал:

  • Ажилд орохыг хүссэн өргөдөл /Өөрийн гараар бичсэн байх/;
  • Хувь хүний намтар /Өөрийн эцэг эх, гэр бүлийн хүний эцэг эхийн намтар байна. Хувь хүний намтар бичих санамжийн дагуу бичсэн байх/;
  • Төрсний гэрчилгээний хуулбар, төрсний бүртгэлийн лавлагаа;
  • Иргэний үнэмлэхийн хуулбар;
  • Боловсролын үнэмлэх, диплом нотариатаар баталгаажуулсан хуулбарын хамт;
  • Оршин суугаа баг, хорооны Засаг даргын тодорхойлолт;
  • Урьд ажиллаж байсан байгууллагын ажил байдлын тодорхойлолт /Цэргийн байгууллагад ажиллаж байсан бол цолны лавлагаа/;
  • Төрийн албан хаагчийн анкет /2019 оны шинэ А хэсэг/;
  • Нийгмийн даатгалын болон хөдөлмөрийн дэвтрийн баталгаажуулсан хуулбар;
  • Цээж зураг /4х6 хэмжээтэй 4 хувь, 3х4 хэмжээтэй 4 хувь/;
  • Цэргийн алба хаасан талаарх архивын лавлагаа, цэргийн үүрэгтний үнэмлэх;
  • Өр төлбөртэй эсэх лавлагаа.

Сонирхсон иргэд Завхан аймаг дахь Шүүхийн шийдвэр гүйцэтгэх газрын хүний нөөцийн мэргэжилтэн, дэслэгч П.Үнэнбаттай ирж уулзаж бүртгүүлнэ үү.

Харилцах утас: 7046-2472, 98001713

 

 

ЗАВХАН АЙМАГ ДАХЬ

ШҮҮХИЙН ШИЙДВЭР ГҮЙЦЭТГЭХ ГАЗАР

Back to top button